黃色暴雨警告下，去了遊車河～
一口氣去了一東一西兩個 Google Maps 尚未有路可達的地方，東面的是科學園，西面的是沙田嶺隧道與尖山隧道。
科學園在 Google Maps 裡連海都未填好，部分大樓的位置在海裡，出入的連接路亦未有。轉去 satellite view 的話還好，起碼科學園的部份是已填海的一大片空地。中原地圖就比較 update，科學園內的地圖與實景圖都已有了。可惜中原地圖並不能配合 iPhone 使用。
不過吐露港公路轉入科學園o個條連接路就似乎比較新，在中原地圖上的 zoom level 3 或以上都只是 outline，不是粉紅色的實路，表示只係建築中。實景圖就只是爛地一片。不過 zoom level 1 同 2 就顯示為粉紅色的實路，唔知係咪 zoom level 1 同 2 比較 update。
在科學園那個《飲食男女》介紹過的 food court 食了個韓式牛肉粉絲，味道好一般…
當時下著大雨，我坐在比較出的位置，唔知係咪玻璃天花有漏水，曾經有一小滴水從天而降，好在只滴在 iPhone 畫面上。到走時更大雨，雙腳濕透～
在大雨中再出發，諗住直去沙田嶺隧道，點解唔知做乜跟o左「九龍（東）」牌行，此乃錯誤一。上o左大老山公路先至醒起，但過o左城門河之後又唔知做乜唔記得應該轉右跟去隧道口方向再入返沙田，反而轉左去o左馬鞍山方向，此乃錯誤二。跟住又諗住以為馬鞍山路有位 U turn，無轉入馬鞍山，直上o左西沙路，此乃錯誤三。結果一路去到烏溪沙先至出去，去到翠擁華庭先至再按 xGPS search route 出返來沿西沙路同大老山公路返沙田。此為下面 GPS route 中綠色那段，去到差不多西貢門口才返轉頭，行了個大運。西沙路那段非常大雨，水撥要開盡。
去到沙田先去政府合署o個邊路邊停一停睇睇地圖，再跟「九龍（西）」牌行，終於好快就到o左沙田嶺隧道。Google Maps 裡完全無青沙公路，所以當時 iPhone o既顯示就好似在駕駛直昇機在空中飛。不過如在用 satellite view 的話，都仲見到條藍色 route 有經過相入面建築中的收費廣場同埋隧道出入口。
尖山隧道出來後直去昂船洲，睇一睇海軍基地（個入口）同埋久違了的八號貨櫃碼頭，終於完成了「行新路之旅」。
科學園 + 沙田嶺/尖山隧道 GPS 路線圖[urldisplaymode=nomap]
iPhone 3G 的 GPS 在空曠地方的表現還不錯。